In portali meridionali cujus superior pars tympanum est, splendet sculptura Romanica Medii Aevi quae illo tempore florebat.

Tympanum, circa annum 1130 fictum, ea repraesentat quae narrant Libri Apocalypsis capita IV et V nobisque ostendit Christum in majestate circumdatum "quattuor animalibus" (Ap.IV,6-8), euangelistarum symbolis.
	Cum illo "viginti quattuor seniores" tribus gradibus partiti sunt ; electi sunt qui omnes salvos homines significant (Matt.XIX, 23-30), ut dei sedentes, ut reges coronati (Ap.IV,4 et V,10), "habentes singuli citharas et phialas aureas plenas incensorum, quae sunt orationes sanctorum." (Ap.V,8).
Monolithus postis tribus leonum paribus ornatur ejusque laterales frontes Sancti Pauli et clari Jeremiae effigies offerunt.
	Sancto Petro ac Isaia propheta quoque in parastadibus stantibus, sic symbolice in aedificium per Vetus Novumque Testamentum initur.
In fornicis lateribus, cum a dextera repraesentantur narrationes ex Euangelio de Nativitate Jesu, tum a sinistra notantur luxuria et avaritia.